Ymddygiad Gwrthgymdeithasol yn ystod gwyliau'r ysgol

Mae Heddlu Dyfed-Powys yn ymwybodol o gynnydd yn nifer yr adroddiadau am ymddygiad gwrthgymdeithasol (ASB) ar draws ein cymunedau yn ystod gwyliau'r ysgol presennol.

Er ein bod yn cydnabod bod egwyliau ysgol yn amser pwysig i bobl ifanc ymlacio a threulio amser gyda ffrindiau, gofynnwn i rieni, gwarcheidwaid a gofalwyr fod yn ymwybodol o ble mae eu plant, gyda phwy maen nhw, a sut maen nhw'n ymddwyn yn y gymuned.

Mae adroddiadau diweddar wedi cynnwys:

Grwpiau'n ymgynnull mewn mannau cyhoeddus ac yn achosi aflonyddwch

Difrod i eiddo

Niwsans sŵn yn hwyr yn y nos

Sbwriel ac anhrefn mewn parciau ac ardaloedd preswyl

Gall ymddygiad gwrthgymdeithasol gael effaith sylweddol ar drigolion, yn enwedig aelodau oedrannus ac agored i niwed o'n cymuned. Rydym wedi ymrwymo i fynd i'r afael â phryderon a byddwn yn cynnal patrolau ychwanegol mewn ardaloedd problemus a nodwyd.

Rydym yn annog pobl ifanc i fwynhau eu gwyliau yn gyfrifol ac yn barchus. Mae llawer o weithgareddau cadarnhaol a darpariaethau ieuenctid ar gael yn lleol, a byddem yn annog teuluoedd i wneud defnydd o'r rhain lle bo modd.

Os ydych chi'n profi ymddygiad gwrthgymdeithasol:

Mewn argyfwng neu os yw trosedd yn digwydd, ffoniwch 999

Ar gyfer materion nad ydynt yn rhai brys, cysylltwch â ni ar 101

Gallwch hefyd roi gwybod am bryderon ar-lein drwy ein gwefan: Rhoi gwybod am ymddygiad gwrthgymdeithasol | Heddlu Dyfed-Powys

Diolchwn i'r gymuned am eu cefnogaeth a'u cydweithrediad parhaus wrth helpu i gadw Dyfed-Powys yn lle diogel i bawb.

Heddlu Dyfed-Powys