Twyll a throsedd seiber.

Sgamiau uwchraddio ffôn symudol.

Mae troseddwyr yn cysylltu â dioddefwyr gan honni eu bod nhw o'u darparwr ffôn symudol yn cynnig bargen wych ar uwchraddiad. Mae'r troseddwr yn defnyddio eu gwybodaeth bersonol i wneud cais am gontract ffôn symudol newydd, ond yn fwriadol yn archebu'r ffôn llaw anghywir. Pan fydd y dioddefwr yn derbyn y ffôn llaw anghywir, mae'r troseddwyr yn datgan bod problem gyda'r archeb a bydd angen iddynt anfon y ffôn i gyfeiriad neu byddant yn trefnu i negesydd gasglu'r parsel. Trefnir y casgliadau negesydd gan y troseddwyr ac nid yw'r cyfeiriad dychwelyd yn gysylltiedig â'r darparwr ffôn symudol. Mae dioddefwyr yn anfon y ffonau/yn caniatáu iddynt gael eu casglu heb wirio'r mater gyda'r darparwr yn uniongyrchol.

Hac Argos.

Rydym yn derbyn nifer o adroddiadau lle mae pobl yn rhoi gwybod yn benodol am drafodion heb awdurdod ar eu cyfrifon Argos. Ymddengys bod Argos wedi cael ei hacio a bod troseddwyr yn cael mynediad anghyfreithlon i gyfrifon pobl ac yn cyflwyno archebion i'r cyfrif. Rydym yn annog pobl i newid eu cyfrineiriau, gan sicrhau eu bod yn defnyddio cyfrineiriau cryf ac unigryw a chofio bod yn wyliadwrus am ymdrechion gwe-rwydo - peidiwch ag ymddiried mewn unrhyw ddolenni.

Dynwared yr Heddlu.

Mae'r Heddlu Lleol wedi derbyn nifer o adroddiadau gan aelodau'r cyhoedd sy'n cael eu cysylltu gan bobl sy'n honni eu bod nhw o'r Heddlu lleol yn gofyn am nawdd gan fusnesau bach ar gyfer cylchlythyr. Mae rhai ohonynt yn ymwneud â chylchlythyrau ar ffermio lleol, diogelwch ar-lein wedi'i anelu at blant a phobl ifanc ac ati.